ကျောက်ကပ်ရောဂါဖြစ်ခဲ့စဉ်က . . . .
လွန်ခဲ့သော ၁၉၇၉ ခုနှစ် သြဂုတ် ၂၄ ရက် (သောကြာနေ့ )တွင် ရန်ကုန်မြို့ ရှိ ဒေါက်တာခင်မောင်ဝင်း(M.B.B.S,H.R.C.P.D.CHD.T.M-8)ဦးစီးသော (အပူပိုင်းဆိုင်ရာရောဂါကုဌာန)အဆောင် ၁၉/၂၀ အခန်းနံပါတ် ၁၅၊ ခုတင်နံပါတ်-၆ ၌ တစ်လတိတိ (ကျောက်ကပ်အမြှေးရောင်)ရောဂါခံစားရသဖြင့် တက်ရောက်ကုသခဲ့ပါသည်။
ပရယ်နီဆလုံးနှင့် လဒ်စ်ဆစ်ဆီးဆေးများ ဆရာဝန်ညွှန်ကြားချက်အတိုင်းစားခဲ့ရာ ရက်ကြာလာသဖြင့် အသားအရေဖောသွပ်သွပ်ဖြစ်ကာ လက်ချောင်း ခြေချောင်းများ တစ်ချောင်းနှင့်တစ်ချောင်းကပ်သောရောဂါများပါ ထပ်ဆင့်ခံစားခဲ့ရပါသည်။
ထိုစဉ်က ဆေးတစ်ကပ်လျှင် ကျပ် ၁၀၀၀၀ ပေးရသော နိုင်ငံခြားဆေးကိုမှာပြီးစားသော်လည်း မသက်သာခဲ့ပါချေ။
ဆေးရုံက ကျွန်တော်၏ နောက်ကျောကိုဖောက်ပြီး ကျောက်ကပ်အသားစ အနည်းငယ်ယူပြီး စမ်းသပ်၍ကြည့်လိုကြောင်းပြောရာ မိမိကလက်မခံသဖြင့် ရန်ကုန်ပြည်သူ့ ဆေးရုံကြီးမှ နောက်ခြောက်လပြည့်လျှင်သေဆုံးမည်ဖြစ်ကြောင်းမှတ်ချက်ပေးပြီး ရန်ကုန်ပြည်သူ့ ဆေးရုံကြီးကလက်မခံပဲ မကွေးဆေးရုံသို့ လွှဲပြောင်းပေးခဲ့သည်။
ရန်ကုန်ပြည်သူ့ ဆေးရုံကြီးမှ ၁၉၇၉ ခုနှစ်၊ စက်တင်ဘာ ၁ ရက်(စနေနေ့ )တွင် ဆေးရုံမှဆင်းခဲ့ရပြီး မကွေးတိုင်းဆေးရုံကြီးသို့ တက်ခဲ့ရသည်။ မကွေးဆေးရုံကြီးသို့ ရောက်သောအခါ ကျွန်တော်၏ကိုယ်ခန္ဓာမှာ ပီပါကြီးလောက်ရှိပြီး ပေါင်နှစ်လုံးမှာ ယခင်သာမန်ကိုယ်ခန္ဓာမျှလောက် ကြီးနေပါပြီ။ အင်္ကျီနှင့်လုံချည်ဝတ်၍မရသဖြင့် ကိုယ်လုံးတည်းနေရပါတော့သည်။ ကျွန်တော်၏ခန္ဓာကိုယ်တစ်ခုလုံးမှာ မရောင်သည့်နေရာဟူ၍ မရှိတော့ပါ။
ခြေသလုံး၊ ပေါင်နှင့်လက်မောင်းတို့ မှာ အရည်တွေရွှဲနေပြီး လက်ဖြင့်ထိလျှင်ပြုတ်ကျတော့မယောင်၊ ပဲ့ကျတော့မယောင် ဖြစ်နေခဲ့သည်။ ရင်တွေကျပ်ပြီး အသက်ရှူမဝ ဖြစ်နေသည်။
မကြာခဏ အိပ်ချင်ပြီး ဘာစားစား မဝဘဲဖြစ်နေသည်။ မကွေးဆေးရုံ ၌ နှစ်လကြာသောအခါ ဆေးရုံအုပ်ကြီးဖြစ်သူက "ခင်ဗျားနောက်နှစ်လဆိုရင်သေတော့မယ်။ စားချင်တာစားတော့ မရတော့ဘူး" ဆိုပြီး ဆေးရုံမှ ဆင်းခွင့်လက်မှတ်ပေးလိုက်၍ ဆေးရုံမှ (သေလူ)အဖြစ်ဆင်းခဲ့ရပါသည်။
ကျွန်တော်၏ကျောက်ကပ်ဓါတ်မှန်ကိုကြည့်လိုက်သောအခါ (Nephrotic Sydrome) ခန္ဓာကိုယ်တစ်ခုလုံးဖောရောင်စေသော ကျောက်ကပ်ရောဂါလက္ခဏာစုကိုတွေ့ ရသည်။ ကျွန်တော်၏ကျောက်ကပ်ကိုဖျက်ဆီးလိုက်သည့် တရားခံမှာ [Group(A)Haemolytic Streptococci] အရေပြားပိုးဝင်ခြင်း ကြောင့်ဖြစ်သည်။
ပီပါကြီးလောက်ကြီးနေသော ကိုယ်ခန္ဓာကြီးကို မသယ်နိုင်တော့သဖြင့် သေမည့်ရက်ကိုစောင့်ရင်း အိပ်ရာထဲ ၌ နောက်ကျောတွေ အပူလောင်ပြီး အနာများဖြစ်လာသည့်တိုင် တုံးလုံးလှဲ၍ မအိပ်ချင်လည်းအိပ် အိပ်ချင်လည်းအိပ်နေခဲ့ရသည်။ မြန်မြန်သေလျှင် အေးရောဆိုပြီး စိတ်ကိုတုံးတုံးချကာ လူနာလာမေးကြသော အပါင်းအသင်းမိတ်ဆွေများကို ရယ်စရာများပြောပြီးဧည့်ခံကာ မြန်မြန်နှစ်လပြည့်ပြီး သေပါတော့ဟုပင်ဆုတောင်းနေမိသည်။
တစ်နေ့ တွင် ကျွန်တော့်ဇနီးက"ယောက်ျားရေ ရှင်တိုင်းရင်းမေဂျာနယ်မှာရေးထားတဲ့ ကိုယ်ဖောကိုယ်ရောင်ပျောက်ဆေး ဆောင်းပါးဖတ်ရလို့ ၊ အဲဒီဆေးကလေးဖော်ခဲ့တယ်။ ရော့ စားကြည့်စမ်း" လို့ ပြောပြီးကျွေးလို့  ကျွန်တော်လည်းပျောက်လိုပျောက်ငြားဆိုပြီး ယင်းဆေးကို တဝကြီးယူစားလိုက်ပါသည်။
ကံကောင်းချင်တော့ ယင်းဆေးစားပြီး တစ်ညအိပ်ပြီးနောက်နေ့ မှာ လူကောင်းပကတိဖြစ်ခဲ့ရပါသည်။ ရောဂါဖြစ်နေစဉ်က ကျွန်တော့အသက်က(၃၇)နှစ်ပဲရှိပါသေးသည်။
ကျွန်တော်ယခုဆောင်းပါးရေးနေသည်က ၁၃.၆.၂၀၁၆ ဆိုတော့အသက်(၇၈)နှစ်ထဲရောက်နေပါပြီ။ သန်သန်မာမာဖြင့်လမ်း(၄၀)က စာရေးဆရာများစုဝေးရာ လေအန်ကုန်းကိုလည်း အင်္ဂါနဲ့ သောကြာနေ့ များတွင် ဆရာမကြီးဒေါ်မာလာသိန်း ကုသိုလ်လုပ်သမျှ အစားအသောက်များကို ဘာမျှမရှောင်ဘဲ စားနေမိပါသည်။
ကျွန်တော်စားခဲ့သည့်ဆေးအကြောင်းကို နက္ခတ္တရောင်ခြည်မဂ္ဂဇင်းမှာ ရေးလိုက်ရာ ကျွန်တော်နှင့်ရောဂါတူသည့်လူနာများ၏အကူအညီတောင်းမှုကြောင့် ဆေးဖော်ပြီးပို့ ခဲ့တာ အားလုံးပျောက်ကြသည်။
ယခုခေတ်မီလာ၍ ကျောက်ကပ်သွေးသစ်လဲသည့်စက်ကြီးများရောက်လာပြီး သွေးသစ်လောင်းကြရာမှာ အိမ်တွေ၊ ခြံတွေ၊ တိုက်တွေ၊ ကားတွေပြုတ်ပြီး ကျောက်ကပ်ဆေးရန် ငွေမရှိပါက သေကြရပါတော့သည်။
တချို့ ရောဂါသည်များက တစ်ဆင့်စကားတစ်ဆင့်ကြားပြီး ကျောက်ကပ်ဆေးနေရင်းက ကျွန်တော့်ထံအကူအညီတောင်းကြရာမှာ ဆေးစားပြီး ရောဂါပျောက်၍ အသက်ရှင်နေကြသည်။
တချို့ လူများက တိတုင်းရင်းမြန်မာဆေးကို မယုံကြည်ကြ။ အေ၏၏အသေခံသွားကြတာတွေ့ ရသည်။ မယုံသည့်လူကိုအပြစ်မပြောလိုပါချေ။ ဆေးက ငွေမကုန်ဘူး။ ဖော်ရလို့ လည်းလွယ်သည်။ ဤဆေး၏တန်ဖိုးကိုအထင်သေးကြသည်။
ယုံကြည်ကြသူများအတွက် ဆေးနည်းကလေးညွှန်းပြုပါရစေ။
အရေးအကြီးဆုံး သိထားရမည့်အချက်က ကျောက်ကပ်ရောဂါက ဝက်သား၊ မုန့် ဟင်းခါး၊ ကြက်ဥ၊ ဘဲဥ၊ ငါးသလောက်၊ ငါးတန်၊ ဆားနှင့်ငါးပိ၊ အထူးသဖြင့် စားအုန်းဆီ၊ ဝက်ဆီနဲ့ ကြော်ထားသည့်ခေါက်ဆွဲကြော်မတည့်ဘူး။ တစ်နှစ်၊ နှစ်နှစ် ရှောင်ရမည်။ အချိုရည်ပုလင်းများ၊ အချိုရည်သံဘူးများသောက်ပါက မြေကြီးမှာ လက်ခတ်မလွဲသေချာ။
ဆေးအမည်(အမယ်)နှင့် ဆေးဖော်နည်းကို ပြောရပါလျှင်-
(၁) ဖလုမတောင်ဝှေး(ခ)ဘီလူးမတောင်ဝှေး(ခ)ရွှေတံတိုင်းပန်းပင်။
(၂) ရှားစောင်းလက်ပပ်
(၃) ကြက်သွန်အနီ
(၄) မန်ကျည်းသီးအမှည့်(နှစ်ချို့ )
(၅) ထန်းလျက်အမည်း(အရက်ချက်သည့်ထန်းလျက်)
(၆) စမုန်မျိုးငါးပါးနှင့်ဆားသင့်တင့်ရုံတို့ ဖြစ်ပါသည်။
ပထမ ဖလုမတောင်ဝှေး၊ ကြက်သွန်နီ၊ ရှားစောင်းလက်ပပ် တို့ ကို နုပ်နုပ်စဉ်းပြီး နူးနပ်သွားအောင် အားလုံးရောကျိုလိုက်ပါ။ နူးသွားသည့်အခါ ကျေညက်သွားအောင် ထောင်းပါ။
မန်ကျည်းသီးမှည့်ကို ရေစိမ်ပြီး အနှစ်တိုက်ယူ။ အဲဒီ့မန်ကျည်းသီးမှည့်နှင့် ထောင်းထားသည့်ဆေးများရောနယ်၊ ယင်းသို့ နယ်သည့်အခါမှ စမုန်မျိုးငါးပါးနှင့်ဆားသင့်တင့်ရုံထည့်ပြီး ရေခန်းအောင် ထပ်ပြီးကျိုချက်လိုက်ပါ။
ထန်းလျက်ကိုမူ ကြွက်မြီးတန်းအောင်ကျိုပြီး ကြွက်မြီးတန်းသွားပြီဆိုပါက အထက်ကဆေးများနှင့်ရောမွှေလိုက်။ ဒါဆို ကျောက်ကပ်ရောဂါပျောက်ဆေးပြီးသွားပြီ။ စားသုံးရမည့်နည်းမှာ ကလေး၊ လူကြီး ထမင်းစားဇွန်း(စတီးဇွန်းဖြင့်) တစ်နေ့ သုံးကြိမ်စားပါ။
နံနက်အိပ်ယာထ တစ်ကြိမ်၊ နေ့ လယ်ထမင်းစားပြီးတစ်ကြိမ်၊ ညအိပ်ယာဝင် တစ်ကြိမ် စားပါ။ ဆေးစားပြီးတိုင်းရေဝအောင်သောက်ပါ။ ဆေးနှင့်ပတ်သက်၍ မရှင်းသည်များရှိပါက ဖုန်း-၀၉၃၃၀၇၈၄၄၉ နှင့် ၀၉-၃၃၀၇၅၁၈၄ တို့ သို့  ဆက်သွယ်မေးမြန်းနိုင်ကြပါ၏။
မိသားစုဖျော်ပေးသည့် သံပရာရည်၊ ရှောက်ရည်ကိုသောက်ပါ။ ဆိုင်ဖျော်မသောက်ပါနှင့်။ ရေချိုးပါက ဆီးကို အရင်မသွားနှင့်။ ရေသုံးလေးခွက်ချိုးပြီးမှ ဆီးသွားပါ။ ရေမချိုးမီ ရေအဝသောက်ပါ။
ရေမချိုးမီ ဆီးသွားလိုက်ပါက (ဆီးအိမ်)ထဲမှာ ရေခံမရှိဖြစ်ပြီး ရေလောင်းချိုးလိုက်ပါက ခန္ဓာကိုယ်ထဲက အငွေ့ တွေ ဆီးအိမ်ကို သွားရိုက်ပြီး (ပူချစ်နေတဲ့၊ မီးရဲရဲတောက်နေတဲ့မီးသွေးခဲကို ရေလောင်းလိုက်သလို ရှဲကနဲ အငွေ့ ပူတွေထွက်သလိုဖြစ်ပြီး)ကျောက်ကပ်ကိုပျက်စီးနိုင်ပါတယ်။
ဤသည်ကို လိုက်နာရှောင်ကြဉ်ပြီး ယင်းဆေးကို ပုံမှန်စားမည်ဆိုပါက "ကျောက်ကပ်ရောဂါကြောက်စရာ မဟုတ်တော့ပါဘူးခင်ဗျာ"
"ရောဂါနဲ့ ဆေး တွေ့ အောင်ပေး၊ ကုရေးမခက်ပါ"
သဗ္ဗေ၊ အနိစ္စ၊ သင်္ခါရ။
ရေးသူ-မကွေးညိုစိမ့်
၂-၈-၂၀၁၆ (အင်္ဂါနေ့ )ထုတ် စံတော်ချိန် နေ့ စဉ်မှ
